Paula Carballeira (Maniños, Fene, 1972) é licenciada en Filoloxía e cun curso de Especialización en Arte Dramática, narradora oral profesional desde 1994, actriz, directora e escritora. Como actriz, participou en varias series e programas da Televisión de Galicia. En 2023 recibiu o Premio Nacional de Literatura Dramática por As alumnas, publicado en Editorial Galaxia, onde tamén deu ao prelo a peza de teatro Ubasute (2024), así como Daniel no peirao (2023), unha obra de teatro infantil arredor dun episodio da infancia de Castelao, Nunca mascotas (2016), O lobishome de Candeán (2012) e As outras historias (2011), entre outros.