आईचं जग सतत मुलांभोवतीच फिरत असते. आईला सतत मुलांचाच ध्यास असतो, मुलांचीच काळजी ती करत असते. यामध्ये ती स्वत: ला पूर्णपणे विसरून जाते. मुलांसोबत ती नव्याने आयुष्य जगत असते.
आईचं आपल्या मुलांवर असलेल प्रेम, आपुलकी, माया, जाणवते. आई होण्याचा आनंद किती सुखद असतो व आईपणाबरोबरच येणाऱ्या जबाबदाऱ्या यांची सांगड या पुस्तकातून पाहायला मिळते.
थोडक्यात, आईपणाच्या उंबरठ्यापासून ते आयुष्याच्या शेवटपर्यंत मिळणारा आनंद, जबाबदाऱ्या, प्रत्येक टप्यावर होणारे बदल, आव्हान याबद्दल सुंदर वर्णन या पुस्तकात पाहायला मिळते.
या पुस्तकाच्या लेखिका सौ. नम्रता सागर पाटील यांचा जन्म “धुळे” जिल्ह्यातील, साक्री तालुक्यातील “निजामपूर” या गावात झाला. साक्री येथील अध्यापक विद्यालयातून डी.एड तसेच पदवी व बी.एड चे शिक्षण चाळीसगाव मधील महाविद्यालयातून केले.
शिक्षक पात्रता परिक्षा उत्तीर्ण होऊन त्या तुळजाई शिक्षण मंडळ, पाचोरा तालुक्यातील सार्वे- पिंद्री येथे शिक्षिका म्हणून नोकरी करीत आहेत.