Bu e-kitab haqqında
પુસ્તકમાં લખાયેલા દરેક શબ્દ, દરેક વાક્ય તમને તમારા પોતાના જીવનના પ્રસંગો સાથે જોડાયેલાં જણાશે. જ્યારે તમે આ પુસ્તક વાંચશો ત્યારે તમને લાગશે — “આ તો મારી સાથે બન્યું છે” અથવા “હું પણ આ અનુભવી ચૂક્યો છું.” આ પુસ્તક તમારા મન અને હૃદયનો અવાજ છે — જે તમે અંદરથી અનુભવો છો, પરંતુ શબ્દોમાં વ્યક્ત કરી શકતા નથી.
આ પુસ્તકને જ્યારે તમે તમારા જીવનના અનુભવો સાથે જોડશો, ત્યારે તમારી આંખોમાં આંસુ આવી જશે અને વિતેલા પળો જીવંત થઈ જશે. જેમ જ્ઞાની લોકો કહે છે કે “પુસ્તક એ મનુષ્યનો સાચો મિત્ર છે,” તેમ આ પુસ્તક પણ તમારો એવો જ સાચો મિત્ર છે — જે તમારી પાસેથી કશું લેવાની અપેક્ષા રાખતું નથી. જ્યારે પણ તમે તેને વાંચશો, ત્યારે તમને લાગશે કે તમે તમારા વિશ્વાસુ મિત્ર સાથે હૃદયની વાતો કરી રહ્યા છો.
આ પુસ્તક એક સામાન્ય માણસને ધ્યાનમાં રાખીને લખાયું છે, કારણ કે લેખક પોતે પણ એક સામાન્ય વ્યક્તિ છે. તેથી આ પુસ્તકની ભાષા સરળ, સમજાય તેવી અને દરેક વર્ગના વાચક માટે પ્રેરણાદાયી છે.
આ પુસ્તક વાંચવાનો કોઈ નિશ્ચિત સમય કે તબક્કો નથી. તમે જ્યારે પણ વાંચશો — જીવનના કોઈ પણ પડાવ પર — તમને નવી પ્રેરણા અને નવી દિશા મળશે. જો તમે ક્યારેક જીવનમાં અટવાઈ જશો, તો આ પુસ્તક તમને આગળ વધવાનો રસ્તો બતાવશે.
આ પુસ્તક વાંચતા પહેલા એક વાત યાદ રાખજો — તેને માત્ર વાંચવા માટે નહીં, પરંતુ અનુભવવા માટે વાંચજો. કારણ કે આ પુસ્તકમાં ઘણા ભ્રમ તૂટવાના છે, અનેક સંબંધોની સાચી હકીકતો સામે આવવાની છે. જે લખાયું છે તે કડવું છે, પણ સત્ય છે. તમારું મન માને કે ના માને — હકીકત તો એવી જ છે, જે તમારે આજે નહિ તો કાલે સ્વીકારવી જ પડશે. જેમણે જીવનમાં આ અનુભવો કરી લીધા છે તેઓ તરત જ આ પુસ્તક સાથે જોડાઈ જશે, અને જેમણે હજુ નથી કર્યા — તેઓ જ્યારે કરશે, ત્યારે આ પુસ્તકના શબ્દો તેમને યાદ આવશે.
Kəşfə davam edin
Reytinqlər və rəylər
Müəllif haqqında
બિજલ જાની એક અનુભવી ઉદ્યોગસાહસિક છે, જેમણે વેચાણ અને માર્કેટિંગ ક્ષેત્રમાં વિવિધ સેગમેન્ટમાં પચ્ચીસ વર્ષથી વધુનો અનુભવો મેળવ્યો છે. તેમણે બિઝનેસ મેનેજમેન્ટમાં માસ્ટર (MBA) પૂર્ણ કર્યું છે, જેના કારણે તેમને વ્યવસાયની રણનીતિ, ટીમ બિલ્ડિંગ અને માર્કેટ ડેવલપમેન્ટનો ઊંડો અભ્યાસ પ્રાપ્ત થયો છે.
તેમણે અનેક રાષ્ટ્રીય અને આંતરરાષ્ટ્રીય (National & Multinational) સંસ્થાઓમાં એક્ઝિક્યુટિવથી લઈને સિનીયર મેનેજમેન્ટ પોઝિશન સુધી કાર્ય કર્યું છે, જ્યાંથી તેમને વિવિધ માર્કેટ્સ, બિઝનેસ કલ્ચર અને લીડરશિપના અનોખા અનુભવો મળ્યા છે. જીવનની
શરૂઆત શૂન્યથી કરીને પોતાના સંકલ્પ, પરિશ્રમ અને બુદ્ધિબળના આધારે સફળતાના શિખરે પહોંચેલા બિજલ જાની એ એવા વ્યક્તિત્વ છે જેમણે દરેક પડકારને એક નવી તક તરીકે સ્વીકાર્યો છે.
તેમની કારકિર્દી દરમિયાન તેમણે દેશભરમાં અનેક શહેરોની મુલાકાત લીધી છે, અનેક પ્રકારના લોકો સાથે મળવાનું, સમજવાનું અને શીખવાનું મળ્યું છે. આ સતત મુસાફરીએ તેમને જીવનના વિવિધ રંગો, મનુષ્યના સ્વભાવ અને સમાજના પરિવર્તિત સ્વરૂપને ઊંડાણપૂર્વક સમજવાની તક આપી છે.
તેમની સંઘર્ષભરેલી જીવનયાત્રામાં તેમણે પોતાના દરેક સંબંધ અને સમાજના અનુભવોને બહુ નજીકથી અનુભવી લીધા છે. પરિવાર, મિત્રો અને સમાજ સાથેના અનેક અનુભવો દ્વારા બિજલ જાનીએ જીવનના ખરા પાઠ શીખ્યા છે. સફળતા અને નિષ્ફળતા બંનેના તળિયે રહેલા કડવા સત્યને અનુભવીને, તેમણે પોતાના અનુભવોને શબ્દોમાં ઉતારવાનું નક્કી કર્યું. જીવનના આ કડવા સત્યોએ તેમને વધુ મજબૂત, સંવેદનશીલ અને વિચારશીલ બનાવ્યા છે, જેની ઝલક તેમની રચના *“જીવન”*માં સ્પષ્ટ દેખાય છે.
તેમનું પુસ્તક “જીવન” એ માત્ર એક પુસ્તક નથી — પરંતુ માનવીના જીવનનો અરીસો છે, જેમાં નોકરી, પરિવાર, મિત્રતા અને સમાજના વિવિધ પાસાઓનું પ્રતિબિંબ જોવા મળે છે. આ પુસ્તક દ્વારા બિજલ જાની જીવનની સાચી કિંમત, સંબંધોની મહત્તા અને પોતાના અંતરમાં ઝાંખી કરવાની પ્રેરણા આપે છે.
