Tregu, Sipërmarrja dhe Unë
Libri i tretë i serisë "Karriera" e fut nxënësin në kontakt të parë real me mekanizmat e ekonomisë dhe tregut të punës.
Përmes 12 kapitujsh, nxënësi kupton si funksionon oferta dhe kërkesa në treg, si po e ndryshon Inteligjenca Artificiale botën e profesioneve, dhe pse fushat STEM dhe "punët e gjelbra" po fitojnë kërkesë të lartë. Libri kalon më tej te hapat konkretë të hyrjes në punë: ndërtimi i CV-së së parë, letra motivuese, bazat e intervistës, dhe të drejtat e punëmarrësit të ri sipas standardeve ndërkombëtare. Pjesa e sipërmarrjes prezanton mendësinë sipërmarrëse dhe Business Model Canvas në version të thjeshtuar, ndërsa moduli financiar thellon njohuritë me karta krediti/debiti, hua dhe inflacion. Viti mbyllet me identitetin profesional dixhital, artin e bindjes (pitching, debat), dhe një projekt final sipërmarrës ose social në grup.
Si në librat paraardhës, çdo kapitull ndërthur tekst të qartë me aktivitete praktike, raste reale të përshtatura për moshën, dhe projekte konkrete.
Autor: Gentian Jetishi
Botues: Akademia 23 — Akademia Kombëtare për Karrierë
Faqe: 121 | Klasa: X | Gjuha: Shqip
Gentian Jetishi është një edukator, studiues dhe specialist i zhvillimit të karrierës nga Kosova, me mbi një dekadë përvojë në arsim dhe burime njerëzore. Ai është autor i dhjeta librave të fokusuar në orientimin dhe zhvillimin profesional, si dhe ka udhëhequr me qindra trajnime për të rinj dhe profesionistë. Puna e tij ndërthur kërkimin akademik me kornizat praktike, duke ndihmuar individët të arrijnë qartësi strategjike dhe rritje të qëndrueshme në karrierë.