मग माझ्या मनात आले की असा एक डिटेक्टिव्ह आपण निर्माण करू ज्याच्याजवळ सुपरपॉवर पण असतील, नंतर एखादा पॉवरफुल व्हिलन घेऊ आणि त्याला सायन्स, फँटसी आणि थरारक कथेची जोड देऊ ज्याद्वारे मनोरंजनासोबतच एखादा चांगला संदेश पण दिला जाईल. तसेच यानिमित्ताने मला काही अस्सल मराठी दमदार सुपरहिरो निर्माण करता आले याचे समाधान आहे ते काही औरच!
लेखक हे पुणे येथील खासगी कंपनीत काम करतात आणि लेखन हा त्यांचा आवडता छंद आहे. लेखनाव्यतिरिक्त चित्रकला, व्यंगचित्रं काढणे, वाचन, संगीत ऐकणे तसेच पौराणिक, ऐतिहासिक, सस्पेन्स थ्रिलर आणि प्रवासवर्णने या प्रकारचे वाचन करणे तसेच या विषयाशी संबंधित चित्रपट आणि टीव्ही कार्यक्रम बघणे लेखकाला आवडते. लेखक हे पत्नी मंजुषा, दोन मुले- अथर्व, आरोही तसेच आई वडील यांचेसह पुणे येथे रहातात. लेखकाच्या आतापर्यंत जलजीवा, वलय, विश्वरचनेचे अज्ञात भविष्य या कादंबऱ्या तर इतर अनेक लघुकथा विविध ठिकाणी प्रकाशित झाल्या आहेत. सायन्स फिक्शन, फँटसी, थ्रिलर, सस्पेन्स, प्रेमकथा हे कथा प्रकार लिहिण्यात लेखकाला रुची आहे. लेखकाच्या “पलीकडचा मी” या गूढकथेवर लवकरच कोल्हापूर येथील "एकदम झकास प्रॉडक्शन" एक शॉर्ट फिल्म बनवणार आहेत.