Telik: Apple TV-க்கான ரிமோட்

Telik என்பது உங்கள் Android மொபைலில் இயங்கும் Apple TV-க்கான ரிமோட் ஆப். டச்பேடில் ஸ்வைப் செய்து நகரலாம், மொபைலின் கீபோர்டில் டைப் செய்யலாம், மொபைலின் ஒலியளவு பட்டன்களால் டிவியின் ஒலியைக் கூட்டலாம் அல்லது குறைக்கலாம்.
இது உங்கள் வீட்டு Wi-Fi மூலம் இணைவதால், மொபைலில் IR பிளாஸ்டர் தேவையில்லை. உங்கள் Apple TV ரிமோட் சோஃபா இடுக்கில் மறைந்துவிட்டாலோ அதன் பேட்டரி தீர்ந்துவிட்டாலோ, Telik கைகொடுக்கும்.

டச்பேட்
நகர ஸ்வைப் செய்யவும், தேர்ந்தெடுக்கத் தட்டவும். விரல் நகரும்போது ஹைலைட் செய்யப்பட்ட உருப்படி லேசாகச் சாய்வதால், எது தேர்ந்தெடுக்கப்பட்டுள்ளது என்பது எப்போதும் தெரியும்.

பட்டன்கள்
• இயக்கு/இடைநிறுத்து, பின்செல், டிவி பட்டன்கள் கீழே, கட்டைவிரலுக்கு எட்டும் இடத்தில் உள்ளன. முகப்புத் திரைக்குச் செல்ல பின்செல் பட்டனை அழுத்திப் பிடிக்கவும்; திறந்துள்ள ஆப்ஸைப் பார்க்க டிவி பட்டனை இருமுறை தட்டவும்.
• பவர்: டிவியை எழுப்ப அல்லது கட்டுப்பாட்டு மையத்தைத் திறக்கத் தட்டவும்; டிவியை ஆஃப் செய்ய அழுத்திப் பிடிக்கவும்.
• ஒலியடக்கு பட்டன் டிவியின் ஒலியை அணைக்கும், மீண்டும் தட்டினால் ஒலி திரும்ப வரும்.
• வீடியோ ஓடும்போது, டிவியில் உள்ள ஆப் அனுமதித்தால், 10 வினாடிகள் பின்னோக்கியோ முன்னோக்கியோ செல்லலாம்.

ஒலியளவு பட்டன்கள்
சாதாரண ரிமோட் கண்ட்ரோலில் செய்வது போலவே, டிவியின் ஒலியைக் கூட்டவோ குறைக்கவோ மொபைலின் பக்கவாட்டில் உள்ள பட்டன்களை அழுத்தவும். டிவி தனது சொந்த ஒலியளவுக் குறிகாட்டியைக் காட்டும்.

கீபோர்டு
டிவியில் ஓர் உரைப் புலம் தேர்ந்தெடுக்கப்பட்டதும், மொபைலின் கீபோர்டு திறக்கும். டிவி திரையில் எழுத்துகளை ஒவ்வொன்றாகத் தேர்ந்தெடுப்பதற்குப் பதிலாக, தேடல்கள், பெயர்கள், மின்னஞ்சல் முகவரிகளை மொபைலிலேயே டைப் செய்யலாம்.

விரைவு அமைப்புகளும் லாக் ஸ்கிரீனும்
Telik-ஐ விரைவு அமைப்புகளில் சேர்க்கவும். பிறகு கீழே ஸ்வைப் செய்து Telik-ஐத் தட்டினால், லாக் ஸ்கிரீனிலும் ரிமோட் திறக்கும். புதிய டிவியை ஜோடி சேர்ப்பதும் ஒரு டிவியை மறந்துவிடுவதும் அன்லாக் செய்த மொபைலில் மட்டுமே முடியும்.

ஒன்றுக்கு மேற்பட்ட டிவிகள்
ஒவ்வொரு டிவியையும் ஒருமுறை ஜோடி சேர்த்தால் போதும், பிறகு அவற்றுக்கு இடையே மாறலாம்: ரிமோட்டின் மேலே உள்ள டிவி பெயரைத் தட்டி, பட்டியலில் இருந்து வேறொரு டிவியைத் தேர்வுசெய்யவும்.

இணக்கத்தன்மை
சமீபத்திய tvOS பதிப்புடன் கூடிய Apple TV 4K, உங்கள் மொபைல் உள்ள அதே Wi-Fi நெட்வொர்க்கில். Android 8.0 அல்லது அதற்குப் பிந்தைய பதிப்பு. பழைய மாடல்களிலும் tvOS-இன் பழைய பதிப்புகளிலும் சோதிக்கப்படவில்லை.

தெரிந்துகொள்ள வேண்டியவை
• முதல் முறை இணைக்கும்போது, டிவியில் 4 இலக்கக் குறியீடு தோன்றும். அதை உடனே Telik-இல் டைப் செய்யவும்: டிவி சுமார் அரை நிமிடம் மட்டுமே காத்திருக்கும்.
• உங்கள் Apple TV, HDMI-CEC மூலம் உங்கள் டிவி அல்லது ரிசீவரின் ஒலியளவைக் கட்டுப்படுத்தும்போது, ஒலியளவு பட்டன்களும் ஒலியடக்கு பட்டனும் வேலை செய்யும்.

தனியுரிமை
விளம்பரங்கள் இல்லை, ஆப்ஸில் வாங்குதல்கள் இல்லை, கணக்கும் தேவையில்லை. Telik எந்தத் தரவையும் சேகரிப்பதில்லை, பகுப்பாய்வும் இல்லை. இது உங்கள் வீட்டு நெட்வொர்க்கில் உள்ள டிவியுடன் மட்டுமே இணைகிறது, எங்களுக்கு எதுவும் அனுப்பப்படுவதில்லை, ஜோடி சேர்ப்பதற்கான விசைகள் உங்கள் மொபைலில் என்க்ரிப்ட் செய்யப்பட்டுச் சேமிக்கப்படுகின்றன.

tvOS புதுப்பிப்புகள் பற்றி
Telik உங்கள் உள்ளூர் நெட்வொர்க் மூலம் டிவியுடன் தொடர்புகொள்கிறது. எந்த tvOS புதுப்பிப்பிலும் Apple இந்த முறையை மாற்றக்கூடும். ஒரு புதுப்பிப்பால் ஏதேனும் அம்சம் வேலை செய்யாமல் போனால், Telik-இன் புதிய பதிப்பில் அதைச் சரிசெய்ய முயல்வோம்; அதுவரை அந்த அம்சம் வேலை செய்யாமல் இருக்கலாம்.

Telik, Apple Inc. நிறுவனத்துடன் தொடர்புடையது அல்ல, அதன் ஒப்புதலைப் பெற்றதும் அல்ல. Apple TV, tvOS ஆகியவை Apple Inc. நிறுவனத்தின் வர்த்தக முத்திரைகள்.