Volkswagen

Volkswagen-appið er stafrænn förunautur fyrir Volkswagen-bílinn þinn. Með því getur þú bæði notað netþjónustur og kynnt þér allt sem Volkswagen hefur upp á að bjóða.

Nýttu þér fjölbreytt úrval þjónustu og eiginleika í VW Connect, til dæmis:

• Fylgstu með drægni og hleðslu rafhlöðunnar þegar þú ert ekki í bílnum.
• Kyntu eða kældu bílinn á þægilegt hitastig áður en lagt er af stað, ýmist með litlum fyrirvara eða á venjulegum brottfarartímum.
• Sjáðu hvar bílnum var lagt síðast og deildu staðsetningunni með öðrum öppum til að fá leiðsögn á staðinn.
• Athugaðu hvort búið er að loka hurðum og rúðum eða slökkva ljósin á bílnum.
• Læstu bílnum og taktu hann úr lás á þægilegan hátt með fjartengingu.
• Veldu áfangastaði og akstursleiðir í appinu og sendu í bílinn áður en lagt er af stað.
• Skráðu valinn þjónustuaðila sem getur haft samband við þig þegar sinna þarf viðhaldi.
• Hafðu umsjón með netþjónustunum þínum og aukabúnaði sem hægt er að virkja eftir á.
• Athugaðu stöðu valinna viðvörunar- og gaumljósa í bílnum sem og hvenær næsta þjónustuskoðun þarf að fara fram.
• Finndu hleðslustöðvar og fáðu upplýsingar um framboð og opnunartíma.
• Hafðu umsjón með hleðslutöxtum og hleðslukortum og skoðaðu hleðsluferilinn hjá þér.
• Tengdu og stjórnaðu ID. Charger heima hjá þér.
• Fáðu ráðleggingar um bestu hleðslustillingarnar til að hlífa rafhlöðu bílsins.

Sendu okkur endilega ábendingar úr Volkswagen-appinu. Við tökum fagnandi á móti lofi, ábendingum og uppbyggilegri gagnrýni.

Frekari upplýsingar um stafrænar vörur og þjónustu hjá okkur er að finna á vefsíðu Volkswagen.

Til þess að geta notað netþjónusturnar þarf að vera með Volkswagen ID-notandareikning og skrá sig inn með notandanafni og lykilorði í Volkswagen-appinu. Auk þess þarf að gera sérstakan samning um notkun á netþjónustum við Volkswagen AG, ýmist á vefslóðinni www.myvolkswagen.net eða í Volkswagen-appinu. Nálgast má nánari upplýsingar á connect.volkswagen.com og hjá samstarfsaðilum Volkswagen.

Virkni getur verið breytileg, meðal annars eftir útfærslu bílsins, samningnum, hugbúnaðarútgáfunni, notandahlutverkinu og markaðssvæðinu hverju sinni. Það getur verið að tilteknir eiginleikar fyrir bílinn verði ekki í boði fyrr en síðar. Setja þarf uppfærslur upp reglulega til þess að geta nýtt eiginleikana til fulls.

ID.7 Tourer Pro S: Orkunotkun í blönduðum akstri: 16,8 - 14,0 kWh/100 km; CO₂-losun í blönduðum akstri: 0 g/km; CO₂-flokkur/flokkar: A.

Raunveruleg drægni á rafmagni getur m.a. verið mismunandi eftir aksturslagi, hraða, notkun þæginda-/aukabúnaðar, útihita, farþegafjölda/farmi, staðháttum hverju sinni og öldrun og sliti á rafhlöðunni.

Framsetning getur verið með öðrum hætti í appinu.