Telik: Remote para sa Apple TV

Ang Telik ay remote para sa Apple TV sa iyong Android phone. Mag-swipe sa touchpad para mag-navigate, mag-type gamit ang keyboard ng telepono mo, at lakasan o hinaan ang TV gamit ang mga volume button ng telepono.
Kumokonekta ang app sa Wi-Fi ng bahay mo, kaya hindi kailangan ng IR blaster sa telepono mo. Magagamit mo ito kapag nasuksok ang Apple TV remote sa pagitan ng mga unan ng sofa o naubos ang baterya nito.

Touchpad
Mag-swipe para lumipat sa mga item at mag-tap para pumili. Bahagyang tumatagilid ang naka-highlight na item habang gumagalaw ang daliri mo, kaya lagi mong nakikita kung ano ang napili.

Mga button
• Nasa ibaba ang Play/Pause, Bumalik at TV, abot ng hinlalaki mo. Pindutin nang matagal ang Bumalik para pumunta sa Home Screen; i-double tap ang TV para makita ang mga bukas na app.
• Power: i-tap para gisingin ang TV o buksan ang Control Center, pindutin nang matagal para i-off ang TV.
• Mute: pinapatay ang tunog ng TV at ibinabalik ito.
• Habang nagpe-play ang video, puwede kang umatras o umabante nang 10 segundo, kung pinapayagan ito ng app sa TV.

Mga volume button
Pindutin ang mga button sa gilid ng telepono mo para lakasan o hinaan ang TV, gaya ng sa karaniwang remote control. Ipinapakita ng TV ang sarili nitong volume indicator.

Keyboard
Kapag may napiling text field sa TV, bubukas ang keyboard ng telepono mo. I-type sa telepono ang mga hahanapin, pangalan at email address, sa halip na pumili ng letra isa-isa sa screen ng TV.

Mga Mabilisang Setting at lock screen
Idagdag ang Telik sa Mga Mabilisang Setting. Mag-swipe pababa, i-tap ang Telik, at bubukas ang remote, kahit nasa lock screen. Magagawa lang ang pagpapares ng bagong TV o ang pagkalimot sa isang TV kapag naka-unlock ang telepono.

Higit sa isang TV
Ipares nang isang beses ang bawat TV, pagkatapos ay lumipat sa pagitan nila: i-tap ang pangalan ng TV sa itaas ng remote at pumili ng iba sa listahan.

Gumagana sa
Apple TV 4K na may pinakabagong bersyon ng tvOS, sa parehong Wi-Fi network ng telepono mo. Android 8.0 o mas bago. Hindi pa nasusubukan ang mas lumang mga modelo at mas lumang bersyon ng tvOS.

Dapat malaman
• Sa unang pagkonekta, magpapakita ang TV ng 4-digit na code. I-type ito agad sa Telik: mga kalahating minuto lang naghihintay ang TV.
• Gumagana ang volume at Mute kapag kinokontrol ng Apple TV mo ang volume ng TV o receiver sa pamamagitan ng HDMI-CEC.

Privacy
Walang ad, walang in-app na pagbili at walang account. Walang kinokolektang data ang Telik at wala itong analytics. Kumokonekta lang ito sa TV mo sa iyong home network, walang ipinapadala sa amin, at naka-encrypt na nakaimbak sa telepono mo ang mga pairing key.

Tungkol sa mga update ng tvOS
Nakikipag-ugnayan ang Telik sa TV sa pamamagitan ng iyong local network, at puwedeng baguhin ng Apple kung paano ito gumagana sa anumang update ng tvOS. Kung may feature na hindi na gumana dahil sa isang update, susubukan naming ayusin ito sa bagong bersyon ng Telik; habang hindi pa ito naaayos, posibleng hindi gumana ang feature na iyon.

Ang Telik ay hindi kaakibat ng Apple Inc. at hindi rin ineendorso ng Apple Inc. Ang Apple TV at tvOS ay mga trademark ng Apple Inc.